O Banco de Tempo de Monforte de Lemos!

O pasado sábado, 21 de xaneiro, levouse a cabo o primeiro dos Intercambios de Tempo Colectivos programados no Banco de Tempo para este novo ano.

Este intercambio consistiu na explicación e demostración práctica, por parte dunha socia do Banco de Tempo, de cómo se fabrica xabón para uso doméstico reciclando o aceite usado da cociña. Esta idea que conxuga tradición, aforro e reciclaxe entusiasmou ás 15 persoas que participaron neste encontro, xa que o aceite é un produto altamente contaminante que todos/as temos na casa.

Os ingredientes para elaborar un litro de xabón son: 1/2 litro de aceite usado (colado), 1/2 litro de auga e 100 gramos de sosa cáustica. Mesturando estos ingredientes da forma e na orde correcta e seguindo as indicacións de seguridade (facelo nun lugar ventilado e preferiblemente usando mascarilla, guantes, bata, etc.), consiguese unha pasta espesa. Con moito coidado, hai que verter esa pasta nun molde (pode ser unha caixa de madeira ou de plástico) e deixala secar algúns días antes de cortala e poder separar os panales de xabón para que se aireen.

Ademais, cando os panales de xabón xa están ben curados (como mínimo 15 días), con eles tamén se pode facer un xabón líquido que serve para fregar o chan, lavar a louza, limpar os cristais, etc. O proceso é doado: trátase de mesturar o xabón de panal esmiuzado con auga quente e un pouco de lavavaixelas, abrillantador e bicarbonato.

As persoas que queiran máis información sobre este intercambio, na oficina do Banco de Tempo están as indicacións que nos facilitou a socia para elaborar os dous tipos de xabóns. A continuación móstranse algúns dos momentos do intercambio:

 

 

 

 

 

 

 

 

 

 

 

 

 

 

 

 

 

 

Na primeira xuntanza mensual do 2012, celebrada o día 11 de xaneiro, tratáronse diversos temas sobre o funcionamento do Banco de Tempo.

Por un lado, acordouse entre todas as persoas asistentes comenzar a realizar, dunha  forma continuada, Intercambios de Tempo Colectivos, nos que un só socio/a oferta unha actividade a tódolos demáis. Este tipo de intercambios fomentan a adquisición de coñecementos de xeito grupal e revaloriza o saber e as habilidades particulares de cada persoa. Xurdiron propostas tan interesantes como a elaboración de xabón artesanal, a lombricultura, a respostería tradicional ou a cata de viños.

Para este mes quedou programado o primeiro de todos: Elaboración de Xabón Artesanal con Aceite. Este intercambio terá lugar o sábado 21 de xaneiro ás 16:30 horas. Para participar, hai que apuntarse previamente no Banco de Tempo (pincha aquí).

Por outro lado, tamén se acordou realizar varias reunións, a partir da semana próxima, para dar ideas e decidir a participación do Banco de Tempo nas celebracións do Antroido. A idea con máis aceptación polo momento é a de participar coa realización de comadres e compadres. A primeira reunión será o martes 24 de xaneiro, ás 17:00 horas, no enderezo do Banco (Oficinas do CIM). É unha reunión aberta a todas as persoas que queiran participar.

Ademais, o Banco informa que xa está dispoñible o Catálogo de Servizos actualizado. Aquelas persoas interesadas en facer algún intercambio ou que queiran coñecer que ofertas e demandas hai neste momento no Banco de Tempo, poden consultalo ou descargalo pinchando aquí:

Catálogo Xaneiro 2012

 

O Banco de Tempo informa que o próximo mércores, 11 de xaneiro, terá lugar a primeira xuntanza mensual deste novo ano. Trataranse diversos temas respecto ao funcionamento do Banco e falaremos sobre as actividades a desenvolver neste mes.

Vémonos ás 16:oo horas na Sala de Xuntas do Concello de Monforte de Lemos. Animádevos a asistir!